《讀者投搞》
講返少少背景，我姑姐係一個見錢開眼嘅八婆，當年用個肚逼姑丈（屋企有錢）娶佢。由我媽入門開始，就一直單單打打，話我媽襯唔起我老豆，娘家冇錢、學歷又差。
事緣我同男朋友上年決定結緍，本身我爸媽都冇反對，諗住新年帶佢去見爺爺嫲嫲，之後我姑姐即刻問我爸，男朋友有冇錢？
男朋友係畫畫嘅，唔係搵到啲咩大錢，但有才華，對我好。我哋都冇諗住大搞婚禮、冇打算買樓、更加唔會生小朋友，簡簡單單就好。
但係我爸乜都同我姑姐講，之後我姑姐就開始發癲，話我屋企窮，樓都冇層，仲搵個窮鬼嫁，又話唔準我帶左男朋友返去見爺爺嫲嫲，又話唔會出席婚禮乜乜柒柒⋯⋯
佢有佢講，我本身都冇理佢，點知佢係啲親戚面前周圍唱我地，加鹽加醋，仲話我男朋友咁瘦，肯定有吸毒。我嫲又信到佢十足，叫我新年唔好帶佢返黎，就連我爸都叫我睇定啲先嫁。
嫁我就一定嫁硬，但條氣落唔到，由其見到佢單打我媽，就想摑佢幾巴，正一死八婆。
＃我的極品四大長老
Search